સુરતની ડૉ. એસ. એન્ડ એસ. એસ. ગાંધી સરકારી એન્જિનિયરિંગ કૉલેજના સિવિલ એન્જિનિયરિંગ વિભાગે મહત્વપૂર્ણ પહેલ કરી છે. વિભાગના ચોથા સેમેસ્ટરના વિદ્યાર્થીઓએ સાપુતારા ખાતે ટેકિયોમેટ્રિક સર્વે પ્રોજેક્ટમાં ભાગ લીધો છે.આ પ્રોજેક્ટ ૪ અને ૫ એપ્રિલ ૨૦૨૫ના રોજ યોજાયો હતો. તેમાં ૧૩૮થી વધુ વિદ્યાર્થીઓએ ભાગ લીધો હતો. આ પ્રોજેક્ટ સર્વેયિંગ વિષયના સર્વેક્ષણના અભ્યાસક્રમનો એક ભાગ હતો. આ વિઝિટ ISTE સ્ટુડન્ટ્સ ચેપ્ટર હેઠળ કરાવવામાં આવેલી હતીટેકોમેટ્રિક સર્વેક્ષણનો મુખ્ય હેતુ હોરિઝોન્ટલ અને વર્ટીકલ નિયંત્રણ સાથે રૂપરેખા નકશા તૈયાર કરવાનો હતો. વિદ્યાર્થીઓએ અનેક તકનીકી કૌશલ્યો શીખ્યા. તેમાં સ્ટાફ પર વાંચન, ક્ષૈતિજ અંતર અને ઊંચાઈનું નિર્ધારણ, RL, WCB ની ગણતરી અને કન્ટૂર રચનાનો સમાવેશ થાય છે.આ પ્રેક્ટિકલ અનુભવથી વિદ્યાર્થીઓને ઉચ્ચ ચોકસાઈવાળા સર્વેક્ષણની પદ્ધતિઓ શીખવાનો મોકો મળ્યો. તેમણે ટેપ વડે માપવામાં આવતા અંતરની પ્રેક્ટિકલ ટ્રેનિંગ પણ મેળવી.
સાપુતારામાં ટેકિયોમેટ્રિક સર્વે પ્રોજેકટ:ગાંધી એન્જિનિયરીંગ કોલેજના 138 વિદ્યાર્થીઓએ પ્રેક્ટિકલ જ્ઞાન મેળવ્યું
