નવસારી કૃષિ યુનિવર્સિટીના 40થી વધુ વિદ્યાર્થીઓએ નારગોલ મિયાવતી વનની મુલાકાત લીધી હતી

ગુજરાતની જાણીતી નવસારી કૃષિ યુનિવર્સિટીના વન્ય મહાવિદ્યાલયના BSC ફોરેસ્ટ્રી ચોથા વર્ષના 40 થી વધુ વિદ્યાર્થીઓનું સમૂહ પ્રોફેસર જયેશભાઈ પાઠક સાથે રૂલર ફોરેસ્ટ વર્ક એક્સપિરિયન્સ અંતર્ગત દક્ષિણ ગુજરાતના ઉમરગામ તાલુકાના નારગોલ ગામના જાણીતા માલવણ બીચ ખાતે ડૉ. રાધાકૃષ્ણ નાયર દ્વારા નિર્મિત વિશ્વનું સૌથી મોટુ મિયાવકી વનની શુક્રવાર તા 4/10/2024ના રોજ મુલાકાત લીધી હતી. આ શૈક્ષણિક મુલાકાત દરમિયાન પ્રધ્યાપક જયેશભાઈ પાઠકના માર્ગદર્શન હેઠળ મિયાવકી વનની જાતમુલાકાત લઈ વનની અંદર રહેલા 98 પ્રકારના વૃક્ષો, ઔષધીઓ વિવિધ જીવ સૃષ્ટિઓની પ્રત્યક્ષ જાણકારી લીધી હતી. દરિયા કિનારાને અડી આવેલ દુનિયાનું સવથી મોટાઆ મિયાવકી વનની વર્ષ દરમિયાન દેશ અને દુનિયાના અનેક વિસ્તારના લોકો મુલાકાત લઈ રહ્યા છે. આજરોજ વનની મુલાકાત લેવા આવેલા કૃષિ યુનિવર્સિટીના વિદ્યાર્થીઓએ સામાજિક વનીકરણ વિભાગના અધિકારી તેમજ ગામના સરપંચ સ્વીટી યતીન ભંડારી અને સ્થાનિક આગેવાનો સાથે પણ મુલાકાત લઈ ત્રણ વર્ષ જૂના સફળ પ્રોજેક્ટ અંગે માહિતી પ્રાપ્ત કરી હતી. કૃષિ યુનિવર્સિટીના વિદ્યાર્થી હર્ષિલ પટેલના જણાવ્યા મુજબ તેમણે આ શૈક્ષણિક પ્રવાસ દરમિયાન અનેક બાબત રસપદ લાગી હતી જે તેમના જીવનમાં ઉપયોગી નીવડશે. અધ્યાપક જયેશ પાઠકે નારગોલ ગામના મિયાવકી વનની મુલાકાત બાદ સંતોષ વ્યક્ત કર્યો હતો. વૃક્ષારોપણ પ્રત્યે નારગોલ ગામની જનતા અને ગ્રામ પંચાયતની જાગૃતિને પણ તેમણે બિરદાવી હતી.