ભારત સરકાર દ્વારા વિકસિત ભારત સંકલ્પ યાત્રાનું આયોજન કરવામાં આવેલ છે.તેની સાથે નાગરિકોને સ્થળ ઉપર જ અગત્યની સેવાઓ ઉપલબ્ધ કરવા માટે સેવાસેતુ જેવા કાર્યક્રમો કરવામાં આવી રહ્યા છે.જેના ભાગરૂપે શુક્રવારના રોજ ગ્રા.પંચાયત નારગોલ વિસ્તારના જગદંબાધામ ભંડારી સમાજ હોલ ખાતે સેવા સેતુ કાર્યક્રમનું આયોજન તાલુકા વહીવટી તંત્ર દ્વારા તાલુકા મામલતદાર જેનિસ પાંડવના નેતૃત્વમાં સવારે ૯:૦૦થી સાંજના ૫:૦૦ વાગ્યા સુધી કરવામાં આવ્યુ હતું.જેમાં મામલતદાર કચેરી, તાલુકા પંચાયત,તાલુકા આરોગ્ય વિભાગ, DGVCL,સામાજીક વન વિભાગ,પશુ આરોગ્ય વિભાગ,બેન્ક સહિત અનેક વિભાગ દ્વારા 1600 જેટલા અરજદારો પાસેથી અરજી મેળવી સ્થળ ઉપર સેવાઓ પૂરી પાડવામાં આવી હતી.જેમાં મહત્તમ પુરવઠા અને આધારકાર્ડ સંબંધિત અરજીઓની સંખ્યા મોટી માત્રામાં મળી હતી.કાર્યક્રમની શરૂઆત ધારાસભ્ય રમણભાઈ પાટકર દ્વારા દીપ પ્રગટાવી કરવામાં આવી હતી.આ નિમિત્તે મોટી સંખ્યામાં જિલ્લા તાલુકા પંચાયતના ચૂંટાયેલા પદઅધિકારીઓ, રાજકીય આગેવાનો,સરપંચો,પંચાયત સભ્યો,જનપ્રતિનિધિઓની હાજરી જોવા મળી હતી.આ કાર્યક્રમમાં કુલ 2500થી વધુ લોકોએ હાજરી આપી હતી.જે પૈકી ૧૬૦૦ જેટલા અરજદારો હતા.ઈલેક્ટ્રોનિક વોટિંગ મશીનનું નિર્દશન કાર્યક્રમ તાલુકા નાયબ મામલતદાર અરૂણભાઇ પટેલના નેતૃત્વમાં કરવામાં આવ્યો હતો.જેમાં અનેક લોકોને પારદર્શક મતદાન પ્રક્રિયા માટે ઉપયોગમાં લેવાતું ઇવીએમ મશીન અંગે લોકોને માહિતગાર કરવામાં આવ્યા હતા.
આંગણવાડી કાર્યકર બહેનો દ્વારા મિનિટ્સ આહારનું પ્રદર્શન કરવામાં આવ્યું હતું.હાલે આંતરરાષ્ટ્રીય ક્ષેત્રે મિલેટ્સ યર તરીકે ઉજવવામાં આવી રહ્યું છે.ત્યારે મિલેટ્સ એટલેકે કઠોળ અનાજ અને ફળ પ્રદર્શનમાં મૂકી આંગણવાડીની બહેનોએ તેનું મહત્વ સમજાવ્યું હતું.
