CENTRE FOR EXCELLENCE દ્વારા આજ રોજ ધો:11 અને 12 સાયન્સ ના ભાવી દાકતર અને ઇજનેર તરીકેની તૈયારી કરતા વિદ્યાર્થીઓ માટે એક અનોખો સન્માન સમારોહ વિજયી ભવ કાર્યક્રમ નું આયોજન કરવામાં આવ્યું. આ કાર્યક્રમમાં વિદ્યાર્થીઓને સંબોધન કરનાર પ્રમુખ વક્તા તરીકે IRS શાશ્વત શુક્લા સાહેબ ઉપસ્થિત રહ્યા હતા. તેઓ દ્વારા અથાગ મહેનત,સતત જાગૃતિ અને સ્વયં પર વિશ્વાસ જેવા મુદાઓ ઉપર ભાર મુકવામાં આવ્યો.. જેને વિદ્યાર્થીઓ દ્વારા સંપૂર્ણ તલ્લીનતાથી ગ્રહણ કરવામાં આવ્યું.તેઓના જોશ ભર્યા વ્યક્તવ્ય થી સમગ્ર વિદ્યાર્થીગણ તન –મન થી ઝંકૃત થઈ ગયો હતો અને આવનારી પ્રત્યેક પરીક્ષાને ઉત્સાહભર આપવા માટેની પ્રેરણા મેળવી હતી.
ધો – 11 અને 12 સાયન્સ માં JEE અને NEET જેવી સ્પર્ધાત્મક પરીક્ષાઓ માટે આગોતરી તૈયારી સંદર્ભે પ્રકાશ પાડતા તેઓએ જણાવ્યું કે યોગ્ય સ્ટડી મટિરિયલ,વૈકલ્પિક પ્રશ્નોની ગહન તૈયારી અને સતત અપાતી પરીક્ષાઓ(Test Series) જ તેમને ઉત્તમ પરિણામો અપાવશે. વિષય વસ્તુના ગહન અભ્યાસ,પુનરાવર્તન અને મહાવરા ઉપરાંત કાબેલ વિષયશિક્ષકો ના માર્ગદર્શન દ્વારા જ સફળતા મેળવી શકાશે એમ પણ જણાવ્યું. વધુમાં છણાવટપૂર્વક તેમના દ્વારા જણાવાયુ કે નિયમિત વાંચન,અવિરત પુનરાવર્તન, સતત શિક્ષક વિદ્યાર્થી સંપર્ક, નિયમિત પરીક્ષા અને મૂલ્યાંકન જેવા મુદ્દાઓ સફળતાની ઈમારત માટે મજબૂત પાયો બની રહે છે. .
વિદ્યાર્થીના ઉજ્જવળ ભવિષ્ય માટે ધો : 12 નું પરિણામ મહત્વની ભૂમિકા ભજવતું હોય,જેની આગોતરી તૈયારી માટેનું સંપૂર્ણ માર્ગદર્શન વક્તાશ્રી દ્વારા વિદ્યાર્થીઓને આપવામાં આવ્યું હતું.. સતત આ પ્રકાર નાં અદ્ભુત કાર્યક્રમોનું આયોજન કરીને, કોટા-Zero mile નાં સંકલ્પને P.P.SAVANI CENTRE FOR EXCELLENCE દ્વારા વિદ્યાર્થીઓ અને સમાજ પ્રત્યેની નિષ્ઠા પૂર્ણ કરવામાં આવી રહી છે.આજના આ પ્રસંગે પી.પી.સવાણી સેન્ટર ફોર એક્સલન્સ દ્વારા ગત વર્ષે ઉચ્ચ પરિણામ મેળવનાર તમામ વિદ્યાર્થીઓને પ્રોત્સાહન સ્વરૂપે 1,11,111/- રૂ. નો ચેક આપી આ વર્ષે પરીક્ષા આપનાર વિદ્યાર્થીઓને મેહનત કરવા માટે પ્રોત્સાહિત કર્યા હતા.
