શ્રેયસ મેડીકેર સંચાલિત એમ એન મહેતા વલવાડા જન સેવા હોસ્પિટલ વાપી ના ફાઉન્ડર મેમ્બર સ્વર્ગીય કિશોર ચંદ્ર ગુલાબભાઈ દેસાઈના સ્મરણાર્થે પારસ પમ્પ પ્રાઇવેટ લિમિટેડ અને હિન્દુસ્તાન ઇલેક્ટ્રીક મોટર્સના સહયોગથી મોબાઈલ ક્લિનિક ની સેવા શરૂ કરવામાં આવી છે. તમારા માટે…… તમારી પાસે….. નો સ્લોગન સાથે ગ્રામીણ વિસ્તાર સુધી પહોંચી વિનામૂલ્યે સેવાઓમાં MBBS ડોકટર દ્વારા દર્દીની મફત તપાસ, વિનામૂલ્યે દવા વિતરણ, બ્લડ તપાસ કરવામાં આવશે. અલગ અલગ સમયે અલગ અલગ ગામોમાં આ મોબાઈલ ક્લિનિક પ્રજા માટે આશીર્વાદ સાબિત થશે. આજરોજ પ્રથમવાર નારગોલ ખાતે આ ક્લિનિક આવી પહોંચતા નારગોલ ગામના સરપંચ સ્વીટી યતીન ભંડારી અને ટીમે પુષ્પહારથી સ્વાગત કર્યું હતું. આ નિમિત્તે ઉપસ્થિત ગ્રામજનોને તબીબી ટીમે આરોગ્યલક્ષી માર્ગદર્શન આપ્યું હતું તેમજ આવેલ દર્દીઓની ચકાસણી કરી હતી. હવે પછી દર શુક્રવારે 10:30 વાગ્યેથી 01:30 વાગ્યા સુધી નારગોલ ગ્રામ પંચાયત પાસે મોબાઈલ ક્લિનિક સેવામાં રહેશે તેવી જાહેરાત કરી હતી.
નારગોલ ગામે વાપી જનસેવા હોસ્પિટલની મોબાઈલ ક્લિનિકનું ભવ્ય સ્વાગત કરાયું:અનેક દર્દીઓએ મોબાઇલ ક્લિનિકમાં આરોગ્ય તપાસણી કરાવી સેવાનો લાભ લીધો
