સેલવાસના હોરીઝોન હાઈટ્સ રેસિડન્ટ એસોસિયેશન કોઓપરેટીવ હાઉસિંગ સોસાયટીના રહીશો દ્વારા સોસાયટીના મુખ્ય ગેટ પાસે વાઇનશોપ ખોલવાના વિરોધમા કલેકટર પાલિકા અને પોલીસ વિભાગને લેખિત રજુઆત કરવામા આવી છે.જેમા જણાવ્યા અનુસાર અમારી સોસાયટીના અંતર્ગત એક શોપમા વગર સોસાયટીની અનુમતિથી વાઇનશોપનો વ્યવસાય ચાલુ કરવામા આવી રહ્યો છે જે સોસાયટીના મુખ્ય ગેટ નજીક છે.આ સંદર્ભે સોસાયટી દ્વારા અગાઉ પણ આવેદન પત્ર આપવામા આવ્યુ હતુ.મુખ્ય ગેટ પાસે દારૂની દુકાન આવવાથી સોસાયટીમા રહેતા પરિવાર અને આજુબાજુના પરિવારો પર નકારાત્મક પ્રભાવ પડશે.આ દરેક પરિવારના બાળકો,વડીલ લોકો અને મહિલાઓ માટે ઘણી પીડાદાયક છે સાથે જ નજીકમા રહેતા યુવા પેઢી માટે પણ ખતરનાક સાબિત થઇ શકે છે.જે કારણથી સોસાયટીના ફ્લેટ અને દુકાનો અને આસપાસની પ્રોપર્ટીના મૂલ્યાંકન પણ ઓછી થઇ જશે,કારણકે દારૂની દુકાનની આજુબાજુ કોઈપણ પરિવાર સાથે નહિ રહી શકે છે.અમારી સોસાયટીની સામે ભગવાન શ્રી હનુમાન મંદિર છે એવા પાવન ધાર્મિક જગ્યાની આજુબાજુ દારૂની દુકાન રહેવી ઉચિત નથી.આપને નિવેદન છે કે અમારા પરિવારની દરેક પ્રકારની સામાજીક અને આર્થિક સુરક્ષા,સ્વાસ્થ્યને ધ્યાનમા રાખી ઉચિત કાર્યવાહી કરી આ વાઇનશોપને બંધ કરાવવામા આવે અને સોસાયટી અને આજુબાજુના પરિવારોના બાળકો વડીલ લોકો અને મહિલાઓ સુરક્ષિત કરે.
છેલ્લા ચાર દિવસથી સોસાયટીના લોકો દ્વારા વિરોધ કરવામા આવી રહ્યો હતો. અને કલેકટર પોલીસ વિભાગ અને એક્સાઇઝ વિભાગને પણ લેખિત રજુઆત આવેલ છતાપણ વિભાગો દ્વારા કોઈ જ કાર્યવાહી ન કરાઇ સોસાયટીના રહીશોને કલેકટર અને આરડીસી દ્વારા સમજાવવાનો પ્રયાસ કર્યો હતો અંને જણાવેલ કે આપ લોકોને તકલીફ હોય તો કોર્ટમાં જઈ શકો છો પરંતુ સોસાયટીની મહિલાઓ.પણ ટસની મસ થતી નથી અને અમારો જીવ જાય તો પણ અમે ખસ્વાના નથી અને દારૂની દુકાન બંધ કરાવીને જ રહીશું એવો હુંકાર કર્યો હતો.અને ભજન ગાઈને અનોખો વિરોધ કરી રહ્યા છે.
