વલસાડ શહેરથી જોડાયેલ વેજલપુરમાં આવેલ શ્રી શ્રી કબીર આશ્રમ માં સદગુરુ કબીર સાહેબનો ૬૨૫મો પ્રાગટ્ય મહોત્સવની ઉજવણી પરંપરાગત રીતે આશ્રમમાં મહંતશ્રી સર્વજ્ઞમુનિ સાહેબ ના સાનિધ્યમાં ઉજવવામાં આવ્યો હતો.
આ અવસર પર વલસાડના શિવજી મહારાજ, રામજી મંદિર કોસંબાના મહંત કિશોરીદાસજી મહારાજ, શાંતિ મંદિર મગોદ ના સાધ્વી મહારાજ અને કાર્યક્રમ નાં મુખ્ય વક્તા નિવૃત્ત આચાર્ય બી. એન. જોષી વગેરે મહાનુભાવો એ કબીર સાહેબના જીવન પર પ્રકાશ પાડ્યો હતો. કકેરી ના કથાકાર અજય બાપુ, સહ અખિલ ભારતીય ઉપભોક્તા ઉત્થાન સંગઠન ના પ્રદેશ ઉપપ્રમુખ વિજયકુમાર ગોયલ વગેરે સંતો ,મહાનુભાવો ઉપસ્થિત રહ્યા હતા.
કાર્યક્રમ તારીખ ૩/૬/૨૦૨૩ ના શનિવારે સવારે સાત વાગ્યે થી ગુરુ વંદના અને બીજકપાઠ થી શરૂઆત થઈ હતી. નવ કલાકે ધ્વજારોહણ અને સતસંગ કાર્યક્રમ નું આયોજન કરવામાં આવ્યું હતું. બીલીમોરા નાં મુખ્ય યજમાન ભક્ત મંગળભાઈ, ભક્ત દેવચંદભાઈ અને ભક્ત રમેશભાઈ પરિવાર દ્વારા આનંદ આરતી કરવામાં આવી હતી. જ્યારે મહંત સર્વજ્ઞમુનિ સાહેબ ના કરકમલો દ્વારા સાત્વિક યજ્ઞ તથા આનંદ આરતી કરવામાં આવી હતી. જ્યારે મોડી સાંજે પૂર્ણાહુતિ કાર્યક્રમ યોજાયો હતો જેમાં વક્તાઓ અને મહાનુભાવો સાથે મોટી સંખ્યામાં કબીર સાહેબ ના ભક્તો અને અનુયાયીઓ હાજર રહ્યા હતા અને કબીર સાહેબ ના અનુયાયીઓ એ કાર્યક્રમને સફળ બનાવવામાં જહેમત ઉઠાવી હતી.
સદગુરુ કબીર સાહેબ નો ૬૨૫મો પ્રાગટ્ય મહોત્સવ ની ઉજવણી પરંપરાગત રીતે કરવામાં આવી
