સુરત શહેર વરાછા વિસ્તારમાં ભીમ અગિયાર તહેવારમાં જુગાર રમતા ૧૦૫ લોકો પર કાર્યવાહી થઈ

સુરત પોલીસ કમિશનર, અધિક પોલીસ કમિશનર સેકટર-૧, નાયબ પોલીસ કમિશનર ઝોન-૧ તથા મદદનીશ પોલીસ કમિશનર બી-ડીવીઝન સુરત શહેર નાઓએ ભીમ અગિયાર તહેવાર અનુસંધાને જુગારની બદી નાબૂદ કરવા માટે સૂચન કર્યું હતું.ઈન્ચાર્જ સયુંકત પોલીસ કમિશનર સેકટર-૧ દ્વારા તેમના પોલીસ સ્ટેશન હદ વિસ્તારમાં તા.૩૧/૦૫/૨૩ થી ૦૧/૦૬/૨૩ દરમ્યાન પ્રોહીબીશન/જુગાર ની અગિયાર તહેવાર માં લોકો ની જુગાર રમવાની પરંપરા ને નેસ્તનાબૂદ કરવાના પરિણામલક્ષી કામગીરી માટે સ્પેશિયલ ડ્રાઇવનું આયોજન કર્યું હતું.
જે અન્વયે વરાછા પોલીસ સ્ટેશન ના પોલીસ ઇન્સ્પેક્ટર એ.એન.ગાબાણી તથા સર્વેલન્સ પો.સ.ઇ.એ.જી.પરમાર નાઓએ વરાછા પોલીસ સ્ટેશનના સર્વેલન્સ દ્વારા અલગ અલગ ટીમ બનાવી જુગાર ના કેસો શોધી કાઢવા પેટ્રોલીંગ દરમ્યાન વરાછા પો.સ્ટે.વિસ્તાર માં વિવિધ જગ્યાએ થી જુગારના ૯ ગણનાપાત્ર કેસો સાથે ૧૨ જુગારના કેસો શોધી કાઢી ૧૦૫ ઈસમોને પકડી પાડી રૂ.૨૭૬૨૧૦/-ની રોકડ રકમ કબ્જે કરી કાયદેસરની કાર્યવાહી કરી હતી.
સદર કામગીરી માં પોલીસ ઇન્સ્પેક્ટર એ.એન.ગાબાણી તથા સર્વેલન્સ પો.સ.ઇ.એ.જી.પરમાર,એ.એસ. આઈ.ગોવિંદભાઇ,અ.હે.કો.ધર્મેન્દ્રસિંગ,અ.હે.કો.જગદીશભાઈ,અ.હે.કો ગીરીશભાઈ,અ.હે.કો. કાનજીભાઈ,અ.હે.કો રાવીરાજસિંહ,અ.હે.કો. મહેશભાઈ,અ.હે.કો. રાકેશભાઈ, અ.પો.કો. રણબીરસિંહ,અ.પો.કો. જીજ્ઞેશભાઈ,અ.પો.કો. સંજયભાઈ,અ.પો.કો. વાસુરભાઈ, આપો.કો. નિલેશભાઈ, વુ.અ.પો.કો.શ્રદ્ધાબેનનાઓ ની ટીમ દ્વારા કામગીરી કરી હતી.