Gujarati

ધોરણ 10 2022-23 નું બોર્ડનું સુરત જિલ્લાનું 76.45 ટકા જ્યારે માધવ એજ્યુકેશન ટ્રસ્ટ સંચાલિત વિશ્વભારતી ગર્લ્સ ઇન્ટરનેશનલ સ્કૂલ નું પરિણામ 100% જાહેર થયું હતું

Written by krishnanewsnetwork

શાળામાં પ્રથમ ક્રમાંકે વાવૈયા નિયતિ 99.13 PR, બીજા નંબરે ભાલાળા નિધિ 98.84PR , ત્રીજા નંબરે ગોંડલીયા પ્રિન્સી અને શિરોયા નેત્રી 98.66 PR, ચોથા નંબરે ભાખર ઋતુ 98.23 PR તેમજ પાંચમા નંબરે ઠુંમર કેશા 97.77 PR પ્રાપ્ત કર્યા હતા .સમગ્ર ગુજરાત રાજ્યનું પરિણામ જ્યારે નબળું આવ્યું છે ત્યારે શાળાના આ સર્વ શ્રેષ્ઠ પરિણામ વિશે વધુ માહિતી આપતા શાળાના આચાર્ય શ્રીમતી ગીતાબેન બડઘાએ જણાવ્યું હતું કે , વૈશ્વિક મહામારી કોરોનાના સમયમાં સૌથી વધારે અસરગ્રસ્ત થયેલા શિક્ષણને સુધારવા માટે તેમજ જે વિદ્યાર્થીઓ સૌપ્રથમવાર બોર્ડની પરીક્ષા આપવા તૈયાર કરવા માટે શાળામાં સતત રાઉન્ડ ટેસ્ટ તેમજ પ્રિ-સ્માર્ટ બોર્ડ પરીક્ષાનું આયોજન કરવામાં આવ્યું હતું .જેના લીધે વિદ્યાર્થીઓને પરીક્ષાના હાવમાંથી બચાવી શકાયા હતા. તેમજ તમામ શિક્ષકોના અથાગ પુરુષાર્થને લીધે વિદ્યાર્થીઓનું આટલું સરસ પરિણામ મેળવી શકાયું છે.શાળામાં શ્રેષ્ઠ પરિણામ પ્રાપ્ત કરનાર તમામ વિદ્યાર્થીની દીકરીઓને તેમજ તેમને તૈયારી કરાવનાર અને માર્ગદર્શન આપનાર તમામ શિક્ષક ભાઈ બહેનોને શાળાના પ્રમુખશ્રી કિશોરભાઈ સાવજ શાળાના આચાર્યશ્રી ગીતાબેન બડઘા, સંચાલક શ્રી અરવિંદભાઈ ભલાડા તેમજ સમસ્ત ટ્રસ્ટ મંડળે ખૂબ ખૂબ અભિનંદન આપ્યા હતા. તેમજ તેમના આવનારા શ્રેષ્ઠ ભવિષ્ય માટે શુભકામનાઓ પાઠવી હતી.

About the author

krishnanewsnetwork

Leave a Comment