Gujarati Uncategorized

સરીગામ લક્ષ્મી ઇન્સ્ટિટ્યૂટ ઑફ ટેકનોલોજી સરીગામ જીટીયુના વિધાર્થીઓનું સન્માન

સંજાણ:લક્ષ્મી ઇન્સ્ટિટ્યૂટ ઓફ ટેકનોલોજી, સરીગામ દ્વારા વર્ષ ૨૦૨૨-૨૦૨૩નાં એન્યુઅલ પ્રાઈઝ ડિસ્ટ્રીબ્યુશનની તા. ૨૭ એપ્રિલના રોજ ભવ્ય ઉજવણી કરવામાં આવી હતી. જીટીયુમાં પ્રથમ સ્થાને તેમજ ટોપ-૧૦, શ્રેષ્ઠતા, સહભાગિતા, સફળતા માટે વિધાર્થીઓનું કોલેજ દ્વારા સન્માન કરવામાં આવ્યું.
વર્ષ ૨૦૨૨-૨૩ દરમિયાન કોલેજ તેમજ યુનિવર્ષિટી કક્ષાએ શૈક્ષણિક સિદ્ધિ ઉપરાંત સ્પોર્ટ્સ, એન.એસ.એસ., વર્કશોપ, નિબંધ લેખન, પોસ્ટર મેકિંગ જેવી વિવિધ સ્પર્ધાઓ, પ્રવૃતિઓ, તેમજ સહભાગિતા માટે વિદ્યાર્થીઓને શ્રેષ્ઠ પ્રદર્શન અને સિદ્ધિ મેળવવા બદલ સર્ટિફિકેટ્સ અને મેડલ્સ આપી સન્માનિત કરાયા હતા.
કેમ્પસના ઘ્વની ઓડિટોરિયમ ખાતે કાર્યક્રમ અંતર્ગત વર્ષ દરમિયાન આયોજિત વિવિધ પ્રવૃત્તિમાં ભગલેનાર કોલેજના ૭૦૦ થી પણ વધારે વિદ્યાર્થીઓ હાજર રહ્યા હતા. દીપ પ્રાગટ્ય, ગણેશ સ્તુતિ અને અતીથી સત્કારથી શરુ થયેલ કાર્યક્રમ દરમિયાન વિજેતા વિદ્યાર્થીઓના આનંદ, ગર્વ અને ઉત્સુકતાની લાગણીના માહોલમાં ઇનામ વિતરણનો પ્રારંભ થયો. શૈક્ષણિક સફળતા માટે યુનિવર્સીટી કક્ષાએ કૉલેજનાં કુલ ૨૧ જેટલા વિદ્યાર્થીઓને ઉત્તમ ૧૦માં સ્થાન મેળવવા બદલ તેમજ ડિગ્રી સિવિલમાંથી જીટીયુ ગોલ્ડ મેડાલીસ્ટ તેજલ માહ્યાવંશી, ડી.વોક. સોફ્ટવેર ડેવલપમેન્ટમાંથી તુષાર ભાનુશાલી અને તનિષા પાલસેટકટ પ્રથમ સ્થાન માટે સન્માનિત કરવામાં આવ્યા. જી.ટી.યુ. પરીક્ષામાં ઉચ્ચ પરિણામ મેળવી ડી.ઈ., ડી.વોક., બી.ઈ. અને બી.વોક.ના વિવિધ વર્ગનાં ૮૦ જેટલા ટોપ રેંકરર્સ વિદ્યાર્થીઓને સર્ટિફિકેટસ એનાયત કરવામાં આવ્યા. આ ઉપરાંત, કોલેજ દ્વારા આયોજિત જીટીયુ સંલગ્ન ટૂંકા ગાળાના તાલીમી કોર્ષ અંતર્ગત સોલાર કોર્ષમાં ડિગ્રી ઇલેક્ટ્રિકલ ૩૩ વિધાર્થીઓ, સાયબર સિક્યુરિટી કોર્ષમાં ડિગ્રી તેમજ ડિપ્લોમાના ૨૬ જેટલા વિદ્યાર્થીઓ તેમજ પી.એચ.પી. વર્કશોપમાં ૬૪ જેટલા એમ કુલ ૧૩૦, વિદ્યાર્થીઓને ટ્રેનિંગ બદલ સર્ટિફિકેટ એનાયત કરાયા.
વાર્ષિક ઇનામ વિતરણ કાર્યક્રમ વિધાર્થીઓ માટે એક ઉત્સવ સમ્માન હોય છે. જ્યાં પોતાની સફળતા માટે સર્ટિફિકેટ, મેડલ અને તાળીઓથી મળેલું સન્માન તેમજ પ્રેરક શબ્દો થકી થયેલ દિશા નિર્દેશ કારકિર્દીની દિશામા પ્રેરક અને સંસ્કારનું સિંચન કરનાર બને છે. અત્રે લક્ષ્મી એન્જીનીયરીંગ કૉલેજનાં વિદ્યાર્થીઓમાં ઉત્સાહ, કિલ્લોલ, ગર્વનો માહોલ જોવા મળી રહ્યો હતો. કાર્યક્ર્મના અંતે ઇવેન્ટ કોર્ડીનેટર પ્રોફ શ્રી વિરલ પ્રજાપતિ (હેડ, આઈ.ટી) એ કાર્યક્રમને સફળ બનાવવા તેમજ વિધાર્થીઓનો ઉત્સાહ વધારવા તેમજ કિંમતી સમય માટે દરેક અતિથિ વિશેષનો અને વિધાર્થીઓ, વોલેંટિયરો, ફેકલ્ટીઝ, તેમજ સંચાલક પ્રતિનિધિઓ માટે આભારની લાગણી વ્યક્ત કરી હતી.

About the author

krishnanewsnetwork

Leave a Comment